Adobe Photoshop CS бол график дүрсүүдийг засварлах мэрэгжлийн засварлагч. Веб хуудасны дизайн, хэвлэлийн эхэд зориулагдсан растер график дүрсүүдийг үүсгэх, засварлахад зориулагдсан программ юм. Өнөөдөр растер график файлуудыг боловсруулахад хамгийн өргөн ашиглагддаг хэрэгслүүдийн тоонд Photoshop зүй ёсоор ордог. Программын 13.0 буюу CS6 хувилбарт растер графиктай ажиллахаас гадна вектор графикийг оруулан ирэх, хөдөлгөөнт файлууд үүсгэх, видео хэсгүүдийг засварлах, гурван хэмжээст дүрсийг үүсгэх нэмэлт боломжууд бий болсон. Үүнээс гадна тоон фотог боловсруулах олон төрлийн шинэ функцууд нэмэгдсэн.  

Хичээлүүдэд ашиглах зарим хэллэгийг эхлээд ойлгох хэрэгтэй.
Эдгээр хэллэг нь хулганаар хийх үйлдлүүдийг хураангуйлсан болно. Windows -ийн программуудыг ашиглах гол хэрэгсэл хулгана байдаг болохоор эдгээр хэллэгийг сайн тогтоогоод аваарай.

Эхлээд бид компьютертаа Photoshop -ыг суулгах хэрэгтэй. Программ нь үнэтэй байдаг ч интернетээс хайвал үнэгүй хувилбарыг олох боломжтой. За Adobe Photoshop -ыг суулгасан бол түүнийг ажиллуулъя. Хичээлүүдэд бид Adobe Photoshop CS5 хувилбарыг ашиглах болно. Таны программын хувилбар өөр байж болох ч онцын их зөрүү гарахгүй болов уу. Энэ хичээлээр программын үндсэн цонхны бүтцийг авч үзэх болно.

Өмнөх хичээлээр бид программын интерфейсийн бүтцийг авч үзсэн. Ямарч программтай ажиллана гэдэг бол түүний таньдаг файлуудыг үүсгэх, засварлах, хадгалах ажиллагаанууд байдаг. Тэгэхлээр энэ хичээлээр бид Photoshop -ын файлыг үүсгэх, хадгалах, нээх ажиллагаануудыг сурах болно. За ингээд хичээлдээ оръё. Программаа ачааллаад ажлын дэлгэцийг нээнэ.

Шинэ файл үүсгэх

Эхлээд бид шинэ файл үүсгэе. Үүний тулд File -> New , (Ctrl + N) гэж орно.Энэ бичлэгийг жаахан тайлбарлая. File цэсийг сонгоход нээгдэх дэд цэсээс New -г сонгохыг зааж байгаа тухайг өмнө нь тохирсон билээ. Цаашид ийм бичлэгийг тогтмол ашиглах болно гэдгийг анхаараарай. Диалогийн New цонх нээгдэнэ.

Photoshop CS4 -өөс эхлэн программ файлын жагсаалттай ажиллах өөрийн хөтөч дэд программтай болсон. Ингэснээр хэрэглэгч зургууд байршсан хавтсуудаас хэрэгтэй файлуудыг жижигхэн дүрсээр харан тэдгээрийн шинжүүдийг үзэх боломжтой болсноор зургийн файлуудтай ажиллахад их хөнгөн болгосон. Зургийн жижигрүүлсэн дүрс дээр баруун даралт хийхэд гаран ирэх цэсээс зургийг эргүүлэх, нэрийг өөрчлөх, нээх, устгах, хувилах гэх мэтийн олон командыг сонгох боломжтой. Бүр шинээр хавтас ч үүсгэх боломжтой. Файлыг Adobe Photoshop дээр нээхийн тулд жижигрүүлсэн зураг дээр хоёр даралт хийх эсвэл зургийг файлын хөтөчөөс Adobe Photoshop -ийн ажлын цонх руу чирэхэд л хангалттай. Adobe Bridge -ийг  хэдэн янзын аргаар дуудаж болдог.

Marquee Tool хэрэгсэл

Хэрэгслүүдийн самбарын дээд хэсэгт (нэг эгнээ бүхий хэрэгслийн самбарын дээрээсээ хоёрт) сонголт хийх хэрэгслүүдийн бүлэг Marquee Tool байрлана. Бүлэгт тэгш өнцөгт, эллипс хэлбэрийн, нэг мөр, нэг багана сонголтуудыг хийх дөрвөн хэрэгсэл багтана. Бүлгийн аль хэрэгслийг сонгон авахад хулганы заагч ( + ) дүрстэй болдог. Сонголт хийх хэрэгслийн товч дээр зүүн даралт хийн товчоо хэсэг хугацаанд дарсан чигээрээ барихад сонголт хийх дэд цэс гарч ирнэ. Зураг дээр улаан хүрээгээр тэмдэглэгдсэн байгаа.

Lasso Tool хэрэгслүүдийг хэсгийг сонгох хэрэгслүүдэд хамааруулж болно. Хэрэгсэл нь гараар зурагдах сонголтын нарийн хэсгийг үүсгэх Lasso төрлийн хэрэгслүүдийг нэгтгэдэг. Энэ төрөл Lasso Tool (Чөлөөт лассо), Polygonal Lasso Tool (Олон өнцөгт лассо), Magnetic Lasso Tool (Соронзон лассо) гэсэн гурван хэрэгслийг агуулж байдаг.  

Lasso Tool хэрэгслүүдийн тохиргооны самбар Marquee Tool хэрэгслийнхтэй ижил.

Эхний хэсэг хэрэгслүүдийн дараагийн бүлэг хэрэгслүүд бол хурдан сонгох хэрэгслийн бүлэг юм. Энд Quick Selection Tool (Хурдан сонголт),  Magic Wand Tool (Шидэт саваа) гэсэн хоёр хэрэгсэл байдаг.

- Quick Selection Tool (W) (Хурдан сонголт) зургийн хэсгийг чөлөөт хэлбэрээр сонгох ажиллагааг хөнгөвчлөн өгнө. Хэмжээг тохируулан удирдаж болдог дугуй бийрээр гараараа сонголтын хэсгийг хурдан үүсгэх боломжтой. Хэсгийг үүсгэж байх явцад сонголтын хэсэг өргөжнө. Сонголтыг зургийн аль ч хэсэгт хийж болох бөгөөд эдгээр хэсгүүд нэгдэн сонголтыг үүсгэнэ. Сонгосон хэсгээ багасгах эсвэл өөрчлөх хэрэгтэй бол Alt товчийг дарж байгаад хийнэ. Хэрэгслийн тохиргооны самбарт хурдан сонголт хийх горимыг тохирох товчнуудыг ашиглан тохируулж болдог. Хэрэгслийн тохиргооны самбарыг авч үзвэл.

Сонголтын хэрэгслүүдэд Crop Tool (Кадрлах), Slice Tool (Хэсэглэх), Slice Select Tool (Хэсгийг сонгох) багажуудыг хамааруулж бас болно. CS5-д эдгээр хэрэгслүүдийг нэг бүлэг болгосон ба харин CS6 -д тэдгээр дээр Perspective Crop Tool (Алслан кадрлах) гэсэн шинэ хэрэгсэл нэмэгдсэн.

Сонголтын бүлгийн хэрэгслүүд дотор таван туслах хэрэгслийг багтаасан хэсэг бий. CS6 -д эдгээр хэрэгслүүдээс Count Tool хэрэгсэл хасагдан дөрөв болсон.

Сонгох хэрэгслүүдийг хэрхэн ашиглах жишээ. Энэ хичээлээр бид Photoshop-д өргөн ашиглагддаг тэгш өнцөгт хэсгийг сонгох (Rectangular Marquee) хэрэгслийн хэрхэн ашиглах талаар авч үзнэ. Хэрэгсэл нь тэгш өнцөгт болон квадрат хэлбэртэй хэсгийг сонгох ба зурахад зориулагсан гэдэг нь нэрнээсээ ойлгомжтой.

Тэгш өнцөгт сонголтыг хийх

Доорх зургийг харна уу