Тэгшитгэлийг бодох гэдэг нь үндсэндээ өгөдсөн тэгшитгэлийг түүнтэй ижил өөр тэгшитгэлд хувиргах үйлдэл юм. Энэ хувиргалтыг адитгалын хувиргалт гэнэ. Дараах үндсэн адитгалын хувиргалтууд байдаг.

• Нэг илэрхийллийг түүнтэй адил өөр илэрхийллээр солих.
Жишээ(3x+2)²=15x+10 тэгшитгэлийг 9x²+12x+4=15x+10 гэсэн ижил тэгшитгэлээр сольж болно.
• Тэгшитгэлийн гишүүдийг нэг талаас нөгөө талд эсрэг тэмдэгтэйгээр шилжүүлэх.Өмнөх тэгшитгэлийн тэнцүүгийн тэмдгийн баруун тал дахь гишүүдийг зүүн гар талд эсрэг тэмдэгтэйгээр шилжүүлье. Тэгвэл 9x²+12x+4-15x-10=0 эндээс 9x²-3x-6=0 гэсэн тэгшитгэл гарна.
• Тэгшитгэлийн тэнцүүгийн тэмдгийн хоёр талыг тэгээс ялгаатай ижил илэрхийлэл / тоо /-д хуваах. Тэнцүүгийн тэмдгийн аль нэг тал нь тэг байвал хоёр талыг ижил илэрхийлэл / тоо /-д үржүүлэхэд анхны тэгшитгэлтэй ижил тэгшитгэл гарахгүй.

Жишээ нь x-1=0 гэсэн тэгшитгэл нь x=1 гэсэн ганцхан шийдтэй.Тэгшитгэлийн хоёр талыг x-3-д үржүүлбэл гарах (x-1)(x-3)=0 тэгшитгэл нь x=1, х=3 гэсэн хоёр шийдтэй болно. х=3 нь x-1=0 тэгшитгэлийн шийд биш. Ийм шийдийг гадны шийд гэнэ. Эсрэгээр хуваах нь шийд алдах -д хүргэж болно. (x-1)(x-3)=0 г анхны тэгшитгэл гэвэл хоёр талыг х-3 -т хуваахад х=3 шийд нь алдагдана.
Хоёрдахь хэсгийн сүүлийн тэгшитгэлийн бүх гишүүдийг 3 -т хуваавал 3x²-x-2=0 гэсэн тэгшитгэл гарах бөгөөд энэ нь (3x+2)²=15x+10 тэгшитгэлтэй ижил юм.

Ихийг мэдмээр байвал ...