Тоон болон үсгэн илэрхийллүүд нь « = » тэмдгээр холбогдож байвал тэдгээрийг тэнцэл үүсгэлээ гэнэ. Дурын тоон тэнцэл мөн түүнчлэн үсгийн оронд орлуулж болох бүх тоон утгуудад зөв байх дурын үсгэн тэнцлүүдийг адитгал гэнэ.

Жишээ

• 4 · 7 + 2 = 30 тоон тэнцэл нь адитгал юм.
• үсгэн тэнцэл нь бас адитгал. Учир нь үсгүүдийн бүх утганд тэнцэл биелнэ.

Үсгийн зөвхөн зарим утганд адитгал болдог үсгэн тэнцлийг тэгшитгэл гэнэ. Тэнцэлд байгаа үсгүүдийг үл мэдэгдэгч, тухайн тэгшитгэлийг адитгал болдог үл мэдэгдэгчийн утгыг тэгшитгэлийн шийд гэдэг. Тэгшитгэлийн шийдийг олох ажиллагааг тэгшитгэлийн бодолт гэнэ. Үл мэдэгдэгчийн оронд тэгшитгэлийн дурын шийдийг орлуулахад тэгшитгэл нь зөв тоон тэнцэл /адитгал/ болно. Нэг ижил шийдтэй тэгшитгэлүүдийг ижил тэгшитгэл гэнэ.

Жишээ

5x-25=0 ба 2x-7=3 нь x=5 гэсэн нэг ижил шийдтэй тул эдгээр нь ижил тэгшитгэлүүд юм.