Видео хичээлээр PhotoShop дээр хар цагаан зургийг хэрхэн өнгөт зураг болгох тухай заасан байгаа. Хэрэглэж байгаа хэрэгсэл арга нь энгийн тэгэхдээ их үр дүнтэй гэдгийг та үзээд мэдэх болно. Хичээл орос хэл дээр орос интерфейстэй PhotoShop дээр байгаа тул ямар командыг сонгож байгааг сайн хараад ойлгох хэрэгтэй. Хараад хийх учраас хэлний хувьд их хүндрэл гарахгүй байх гэж бодож байна. Анхдагч зургийн PSD файл нь архивт байгаа. Оролдоод үзээрэй. Дараа нь мэдлэгээ ашиглан бизнес хийх ч юм билүү.
Хичээлийн үргэлжлэх хугацаа 15 мин

CorelDraw програмаар зураг зурах, тексттэй ажиллах, 3D дүрс зурах, мэндчилгээ хэрхэн хийх, төрөл бүрийн эффект бүхий дүрсүүдийг яаж үүсгэх зэргийг заасан 11 видео хичээл.Энэ хичээлүүдийг хөнгөнөөс хүнд рүү шилжсэн сургалтын програм гэж үзэж болно. График дизайны чиглэлээр ажиллаж, сурдаг  болон CorelDraw програмыг ашиглахыг сонирхсон хүмүүст хэрэгтэй байх болов уу.  Хичээлүүд орос хэл дээр.

Шинэ он гарахад хэдхэн хоног үлдлээ. Та өөрийн найз нөхөд, хамтран ажиллагч байгууллагадаа мэндчилгээ явуулах гэж байвал энэ хичээлийг татан аваад үзээрэй. Орчин үед электрон мэндчилгээ нь соёлтойгоос гадна хамгийн хямдхан үр дүнтэй арга болоод байгаа билээ. Хичээл нь Photoshop дээр шинэ жилийн мэндчилгээг хэрхэн хийхийг танд сургах болно. Нэг удаа үзээд сураад авахад дараа нь ямарч баярын мэндчилгээг хийх боломжийг танд олгох болно. Мэндчилгээ хийж байгаа үйлдлүүдийг шууд дэлгэц дээр үзүүлж байгаа болохоор таниас хэлний мэдлэг нэг их шаардахгүй гэж бодож байна.
Хичээл нь орос хэл дээр, нийтдээ 18 минут үргэлжлэх swf форматтай файл.

Энэхүү сургалтын диск нь танд DreamweaverCS3 програмтай ажиллах үндсэн аргуудыг амархан суралцахад тусална. Програмын үндсэн удирдах элементүүдийг зориулалт хэрхэн ашиглах талаар заах болно. Үүнээс гадна шинэ веб технологиор веб сайт үүсгэх талаар та сурна. Веб хуудаст фрейм болон FLASH технологи ашиглах талаар тусдаа бүлэгтэй. Хичээл нь бүлгүүдэд хуваагдсан бөгөөд бүлэг бүр нь тухайн сэдвээр хэд хэдэн видео хичээлтэй. Хэрвээ хүсвэл үзсэн хичээлийг хир ойлгосноо шалган үзэх боломжтой. Видео хичээл нь таны компьютерын дэлгэц дээр гарах бүх үйлдлийг үзүүлсэн тул ойлгоход хялбархан.