SQL хэл нь өгөгдлийн сангийн мэдээллүүдийг удирдаад зогсохгүй өгөгдлийн сан болон хүснэгтүүдтэй хамааралтай үйлдлүүдийг гүйцэтгэх боломжтой байдаг. Хүснэгтийг үүсгэх хоёр янзын арга байдаг.

1. Ихэнх ӨСУС нь өгөгдлийн санд хүснэгт үүсгэх, тэдгээрийг удирдах интерактив администраторын хэрэгсэлтэй байдаг.
2. Хүснэгтүүдийг SQL хэлний операторуудын тусламжтайгаар удирдаж болно

Хүснэгтийг програмын аргаар үүсгэхдээ SQL хэлний CREATE TABLE операторыг ашиглана. Та интерактив хэрэгсэл ашиглан хүснэгтийг удирдах бүх ажиллагаа нь танд мэдэгдэхгүй боловч үнэндээ SQL хэлний операторуудыг ашиглан хийгддэг гэдгийг хэлэх нь зүйтэй.
Хүснэгтийг үүсгэх операторын бүхий л боломжийг үзэх нь манай хичээлийн зорилго биш. Бид зөвхөн үндсэн ойлголтыг үзэх болно. Таны ӨСУС-ийн онцлогоос хамаарсан нэмэлт боломжуудын тухай мэдэхийг хүсвэл ӨСУС-ийн бичиг баримтыг сайтар үзээрэй.

Өмнөх хичээлүүдэд бид тодорхой утгаар хайлтыг хийх талаар үзсэн. Бидэнд bean bag гэсэн үг багтаасан нэртэй бүтээгдхүүн байгаа эсэхийг хайх хэрэгтэй болсон гэж үзье. Тэгвэл бидний өмнөх хичээлүүдэд үзсэн аргууд энэ асуудлыг шийдвэрлэж чадахгүйд хүрнэ. Энэ тохиолдолд бид асуудлыг мета тэмдэгтийн тусламжтайгаар шийдвэрлэнэ. Мета тэмдэгтээр өгөгдлийг хайх нөхцлийн шаблоныг зохиож өгдөг.

Мета тэмдэгт гэдэг нь утгын тодорхой хэсгийг хайхад зориулагдсан тусгай тэмдэгтүүд юм.

Хайлтын шаблон гэдэг нь мета тэмдэгт болон текст, тэдгээрийн дурын сэлгэмэлээс бүрдсэн хайлтын нөхцлийг хэлнэ.

Хайлтын нөхцөлд мета тэмдэгтийг хэрэглэхийн тулд LIKE гэсэн түлхүүр үгийг ашиглана. Мета тэмдэгтийг ашиглан хайлтыг зөвхөн текстэн талбарт хийнэ. Текстэн биш талбарт хайлт хийж болдоггүй.

SQL-ийн өгөгдөл татах үйлдэл нь үр дүнгийн олонлог гэж нэрлэгдэх мөрийн цуглуулгатай ажилладаг. Өгөгдөл татах операторын нөхцлөөс хамааран үр дүнгийн олонлог нь хоосон эсвэл түүнээс их мөрүүд байна. Энгийн SELECT операторыг ашиглан эхний эсвэл сүүлийн, эсвэл дараагийн 10 мөрийг татан авах боломжгүй байдаг. Зарим үед мөрүүдийг шууд эсвэл тонгоруулсан дарааллаар нэг эсвэл хэд хэдэн удаа харах шаардлага гардаг. Энэ зорилгод курсорыг ашигладаг.

Курсор гэдэг нь серверт хадгалагдсан өгөгдлийн санд хандах шаардлага юм. Курсор нь SELECT операторын ажиллагаагаар бий болсон үр дүнгийн олонлог болохоос SELECT оператор биш.

Өмнөх хичээлээс бид хүснэгтийн өгөгдлүүдийн дүнг SQL статик функцээр хэрхэн авахыг мэдсэн. Гэхдээ бид өгөгдлүүдийн дүнг хүснэгтийн бүх бичлэгүүдийн хувьд WHERE-д заагдсан нөхцлийн дагуу авч байсан.
Тэгвэл бидэнд нийлүүлэгч хэдэн бараа санал болгосныг нийлүүлэгч бүрээр мэдэх шаардлагтай болсон гэж бодъё. Энэ асуудлыг шийдвэрлэхэд бид групп /бүлэг/-ыг хэрэглэнэ. Бүлэглэх нь бүх өгөгдлүүдийг логик хэсгүүдэд хувааснаар бидэнд энэ хэсгүүдэд статик функцуудыг ашиглах боломж олгодог.