Загвар (Prototype) хэв өмнө нь үүсгэсэн загвар обьектоос үндэслэн обьектыг үүсгэх боломжийг олгодог. Өөрөөр хэлбэл хэв обьектуудын хуулбар /клон/ үүсгэх техникийг хэрэгжүүлдэг.

Хэвийг хаана ашиглах

Шинээр үүсгэгдэх обьектын төрлийг програмын ажиллагааны үед динамикаар тодорхойлох хэрэгцээтэй үед

• Классын зэрэгцээ шатлалаас бүтээгдхүүн обьектуудыг үүсгэхийн тулд тусдаа классын үйлдвэрийн шатлалыг үүсгэхийг хүсэхгүй үед. Жишээ нь абстракт үйлдвэр хэвийг ашиглахад үүнийг хийдэг.
• Обьектыг байгуулагчаар үүсгэн, утга олгохоос илүү хувилбар обьектын хуулбарлалт байх үед. Ялангуяа обьект хязгаарлагдмал цөөн тооны боломжит төлөвийг авч болох тохиолдолд.

Програмын ажиллагаанд өгөгдөлтэй ажиллах асуудал том байр суурийг эзэлдэг. Тэр дундаа өгөгдлийн сантай харилцан ажиллах нь ихээр тохиолдоно. Иймээс хичээлээр бид өгөгдлийн сантай ажиллах Entity Framework технологийн талаар авч үзэх юм. Сэдэв их өргөн агуулгатай тул хэдэн хичээлээр дамжин авч үзэх болно. Хичээлийн материалыг амархан ойлгохын тулд та

• Холбоот өгөгдлийн сангийн суурь ойлголттой байх. Сайтын Sql хэл хэсгийн хичээлүүдээс энэ талаар судлан ойлгоорой.
• .NET фреймворкийн олонлог буюу IEnumerable интерфейсийг ойлгон мэдсэн байх. Энэ талаар Олонлог /Sets/ хичээлээс үзэээрэй. Сэдвийг олон хичээлд хөндөж байсан болохоор та олонлогийг ойлгосон байх гэж бодож байгаа.  
• Лямбда илэрхийлэл. Энд сэдвээр Лямбда илэрхийлэл гэсэн тусдаа хичээл байгаа.   
• Илэрхийллийн мод ухагдхууны суурь ойлголтыг Илэрхийллийн мод хичээлээс ойлгосон байх.
• Өгөгдлийн эх үүсвэр олонлог, массив, өгөгдлийн сан гэдгээс үл хамааран өгөгдөлтэй ажилладаг LINQ технологийн суурийг заавал мэдэж байх.

шаардлагатай. Дээрх ухагдхуунуудыг мэдэж ойлгосон байхад Entity Framework технологийг ойлгоход асуудал үүсэхгүй.

.NET -д тодорхойлогдох классууд болон бусад төрлүүд нэрийн орон зай гэх тусгай контейнерт багтдаг. Нэрийн орон зай програмийн кодийг логик блокуудад зохион байгуулан тодорхой асуудлыг шийдэх эсхүл ерөнхий ажиллагаануудыг бусад кодоос салгах эсхүл кодуудыг нийлүүлэх боломжийг олгодог.

.NET фреймворк ердийн төрлүүдээс гадна ерөнхийлөгдсөн (generics) төрлүүд болон ерөнхийлөгдсөн аргуудын үүсгэлтийг дэмждэг. Энэхүү боломжийн онцлогийг судлахын өмнө ерөнхийлөгдсөн төрлүүд байхгүй бол үүсч болох асуудлуудыг авч үзье. Жишээ нь

class Person
{
    public int Id { get;}
    public string Name { get;}
    public Person(int id, string name)
    {
        Id = id; 
        Name = name;
    }
}

гэж хэрэглэгчийн өгөгдлийг хадгалах классийг тодорхойллоо гэж үзье. Person класст Id - хэрэглэгчийн давтагдахгүй идентификатор, Name - хэрэглэгчийн нэр гэсэн хоёр шинжийг тодорхойлсон. Энд хэрэглэгчийн идентификаторийг тоон утгаар өгсөн тул шинж 1, 2, 3, 4 гэх мэтээр утгуудыг авна.