Хичээлээр Vue CLI гэж юу болох, юунд ашиглах, яагаад мэдэх хэрэгтэй тухай авч үзье. Vue CLI бол VueJS төслийг маш хурдан, эвтэйхэн байдлаар үүсгэн ашиглахад зориулагдсан хэрэгсэл. Бид өмнөх хичээлүүдэд html файлд VueJS санг оруулаад түүнийг ашиглаж болж байхад VueJS дээр бүтэн төсөл үүсгэх ямар шаардлагатай гэж бодож байж болно.
VueJS сангаар html -ийн элементүүдийг динамикаар удирдан өөрчлөхийн дээр түүнийг ашиглан том хэмжээний програмыг боловсруулж болох хүчирхэг хэрэгсэл. Эндээс том хэмжээний програмын кодын зохион байгуулалтыг хэрхэн үүсгэх вэ гэсэн асуулт гарч ирнэ. Том програмын ажиллагаануудыг сайн задлахын тулд тэдгээрийг төрөл бүрийн компонентуудад хуваах хэрэгцээ бий болох учраас бүх кодыг нэг javascript файлд агуулах боломжгүй болдог. Харин Vue CLI хэрэгслээр үүсгэсэн VueJS төсөл модулуудыг автоматаар ачааллах, төрөл бүрийн препроцессорууд дэмжих, сервертэй мэдээлэл солилцох API -тай ажиллах бэлэн сервесүүд гэх мэтээр олон боломжуудыг өгнө. Иймээс дараагийн хичээлүүдээр Vue CLI хэрэгслийг хэрхэн суулган ашиглахыг үзэх болно. Хэрэгслийг өөрөө сулгаж болох ч хугацаа, хүч хөдөлмөрийг хэмнэх үүднээс VueJS -ийн боловсруулагчид бидний өмнөөс бүхнийг бэлтгэн өгсөнг ашиглах нь илүү.
Цаашхи хичээлүүдийн жишээг Vue CLI төслийг ашиглан хийх тул хэрэгслийг суулгах хэрэгтэй. Үүнээс гадна цаашид тодорхой сан, хэрэгслүүдийг суулгахад танд Node.js програм хэрэгтэй болно. Хэрвээ таны компьютерт Node.js суугаагүй бол зааврыг үзэн заавал суулгарай.
илэрхийллийг хялбарчил.
задаргааны 6-р гишүүнийг ол.