RxJs санг ашиглан стримээс тараах өгөгдлүүдээс сонголтыг маш эвтэйхэн зохион байгуулах аргын талаар энэ хичээлээр үзнэ. Үүний тулд of аргаар энгийн Observable /ажиглагч/ -ийг

Rx.Observable.of(1, 5, 'Hello', 'World')
    .first()
    .subscribe(createSubscribe('first'));

index.js файлд үүсгэн өгье. Код RxJs сангийн Observable классын of аргаар Observable /ажиглагч/ -ийг үүсгээд түүнд subscribe аргаар бүртгүүлсэн. Аргад өөрсдийн зохиосон туслах createSubscribe функцийг дамжуулна.

Хэрэглэгчтэй харьцах үндсэн элемент бол форм. Хөтөч дээр ажиллах програм зохиоход хэрэглэгч талын дэлгэцийг уян хатан, динамик ажиллагаатай болгоход javascript -гүйгээр төсөөлөхөд бэрх. Энэ хичээлээс html5 -ын хэрэглэгчтэй харилцах формын элементүүдтэй VueJs -ээр хэрхэн харьцахыг суралцаж эхлэнэ. Формд хамгийн ихээр хэрэглэдэг input элементийн ажиллагааг

<template>
  <div>
      <h2>Form inputs</h2> 
      <input type="text">
  </div>
</template>

<script>
export default {
  data () {
    return {
      name: ''
    }
  }
}
</script>

жишээгээр авч үзье. Vue фреймворкийн үндсэн ойлголтууд багцын хичээлүүдийг эхнээс үзсэн бол дээрх кодыг төвөггүй ойлгоно. Аливаа зүйлийг энгийнээс эхлэн зөв ойлговол сурахад дөхөм байдаг тул багц хичээлүүдийг үзэхийг зөвлөе. Зарим хичээл төлбөртэй тул та тусгай эхртэй хэрэглэгч байх ёстойг анхаарна уу.

Жич: Үнэ төлөөд үзэх эсэх нь таны сонголт. Гэхдээ дараа болъё, үнэгүй хичээл олдоно гэх мэтээр хойшлуулах нь эргээд алдагдсан боломж болдог. Цаг хугацаа таныг хүлээхгүй. Хичээлүүдийг бэлтгэх явцад Vue фреймворкийн шинэ хувилбарууд гарч ирсэн хэдий ч ерөнхий зүйл хэвээрээ. Шинэ хувилбарт орсон өөрчлөлтийг хичээлийн материалд туршин шалгаад явах нь бүр ч илүү үр дүнтэйг сануулъя.

Сүүлийн жилүүдэд javascript сангуудын хөгжлөөр интернет програмчлалд хувьсгал гарч байгаа гэж хэлэхэд болно. Учир нь javascript хэлийг бүх хөтөч ойлгодог учраас хэрэглэгч талын ажиллагааг динамик болгон сервер талын ажиллагааны ачааллыг бууруулахад чухал үүрэг гүйцэтгэснээр SPA буюу нэг хуудаст програмыг зохиох боломжийг нээсэн. Javascript сангуудын нэг болох Vuejs сангийн тухай хичээлийг сайтад цувралаар нийтэлж байгаа билээ. Хичээлүүдийг бүгдийг Vue фреймворкийн үндсэн ойлголтууд багцаас үзэхийг зөвлөе.

Хүүхэд компонент хоорондын холбоо хичээлд төслийн компонентуудад зохих өөрчлөлтүүдийг оруулаад програмын ажиллагааг шалган үзэхэд Тоолуурыг нэмэгдүүлэх товчийг дарахад тоолуурын утга нэмэгдэхгүй байсан шалтгааныг танд үлдээсэн билээ. Товч ажиллахгүй байсан шалтгаан энгийн. Та Доод шатны /хүүхэд/ компонентоос параметр дамжуулах хичээлийн материалыг сайн ойлгосон бол учрыг маш хурдан олно. Товч ажиллахгүй байсан шалтгаан гэвэл Car компонентийн updateCounter аргаас үүсгэсэн counterUpdated үйл явцын сонсогчийг App компонентод тавин өгөөгүйтэй холбоотой. Тэгвэл үйл явцын сонсогчийг App компонентийн хэвд Car компонентийг оруулан ирэх app-car тегд

<template>
  <div>
    <h1>Эцэг: {{ carName }}</h1>
    <app-counter :counter="counter"></app-counter>
    <app-car 
      :carName="carName"
      :carYear="carYear"
      :counter="counter"
      :changeFunc="changeCarName"
      @nameChanged = "carName = $event"
      @counterUpdated = "counter = counter + $event"     
    ></app-car>  
  </div>
</template>

@counterUpdated = "counter = counter + $event" гэж тавин өгөөд програмыг ажлуулан шалгавал

бүгд хэвийн ажиллана. App компонентийн хувьд Car, Counter компонентууд хоёулаа хүүхэд компонентууд ч Car компонентоос Counter компонентод хандан өөрчлөлт хийж байгаа. Энэ нь Доод шатны /хүүхэд/ компонентоос параметр дамжуулах механизмтай бараг төстэй ажиллахын дээр кодод үйл явцын сонсогч, нэг ижил параметрүүдийг дамжуулах, эцэг компонентоор дамжин харьцах гээд нилээд их логикийг оруулан өгч байгааг та ажигласан байх. Цөөн компонентууд оролцсон жижигхэн програмын хувьд аргачлал бүрэн боломжийн боловч компонентуудын тоо олшрон компонентууд нэгийгээ агуулах түвшин гүн болож ирэхэд эцэг компонентоор дамжуулан удирдахад хүнд болж ирнэ.

Програмийн цэсийн хэрэгжүүлэлтийн компонентийг хийсний дараа хуудсаа нээгээд fa-bars икон дээр дарахад

дээрх байдлаар харагдаж байгаа. Харин цэсийг эргэн харагдахгүй болгох ажиллагааг fa-times буюу x дүрс хариуцаж байгаа. Цэсийг хаах ажиллагаа fa-times буюу x дүрс дээр дарах үйл явцын боловсруулагчаас гадна цэсний гадна талд дарахад хийгддэг байвал ашиглалтын талаасаа илүү эвтэйхэн гэдэг нь ойлгомжтой.