Арон Исаевич Нимцовичийн "Миний систем" гэдэг шатрын номоос үргэлжлүүлэн таницуулъя.

Тав. Хурцадмал байдлыг даран хөлөлгөөний эсхүл тоглолтын чөлөөлөлтийг хийх. Тоглолтын чөлөөт хөлөлгөөнд саад болсон өрсөлдөгчийн эсрэг маневрууд асуудал үүсгэж эхэлбэл ийм байдлыг шийдвэртэй, хурдан дуусгах шаардлагатай. Энд хагас дутуу шийдэл байж таарахгүй. Үүнийг дараах жишээгээр тайлбарлая. 1. e4 e5 2. Мf3 Мc6 3. d4 d5. Харын сүүлийн нүүдэл эрсдэлтэй. Цагааны 3. d4 идэвхитэй нүүдэлд хар яг ийм байдлаар шууд хариу барих гэсний хэрэггүй. Энэ нь цаашдын зарим хүндрэлүүдийн эх үүсвэр. 4. exd5 Бxd5 5. Мc3 Тb4. Хар гараанд бэрсээрээ хоёрдахь нүүдэл хийх асуудлаас түр салсан. Гэвч 6. Тd2 -ийн дараа зарим нэгэн хүндрэл гарч ирсэн. Бэрсээ хөдөлгөх нь темп алдахад хүргэнэ.

Шатрын стратегийн элементүүдийн нэг болох төвийн талаар бид өмнөх Стратегийн элементүүд , Хөлөлгөөний зарчмууд нийтлэлээр үзсэн. Энэ хичээл төв стратегийн элементийн сүүлийн хэсэг юм. Хичээлийн материалыг Нимцовичийн "Миний систем" номноос бэлтгэж байгааг сануулъя.

Зургаа. а Төвийг өгөх. Цааш тоглох төлөвлөгөө. Дараах өргийг харцгаая. 1. e4 e5 2. Мf3 Мc6 3. d4 exd4. Энд төвийг d7-d6 гэж хамгаалах нь ашиггүй. Жишээ нь 3. ... d6 4. dxe5 dxe5 5. Бxd8+ Нxd8 (ноёнгоор авахгүй бол e5 хүүг алдана) гээд хар сэлгээгүй болсноор тэргүүдээ эвтэйхэн холбох боломжийг алдана. 4. Мxd4. Үүссэн нөхцөл байдалд хар 4. ... Мf6 гэж тоглож болох юм. Учир нь 5. Мxc6 bxc6 -гийн дараа морийг 6. e5 гэж хөөх гэвэл 6. ... Мe4 гэж эсэргүүцэж болно. Хэрвээ цагаан 7. Тd3 гэвэл морио 7. ... d5 хамгаалж болно.Гэхдээ хар 4. ... Мf6 нүүдлээр g8 дээрх морины хөлөлгөөний хүндрэлтэй асуудлыг шийдсэн болохоос төвийн асуудлыг бүрэн шийдээгүй тул тулгарсан асуудлын багахан хэсгийг л шийднэ.

Бэрсний гамбитийн олон байгуулалтаас орчин үеийн томоохон тэмцээнд болгон тохиолддог славян хамгаалалт том байрыг эзэлдэг. Өнгөцхөн харахад түүний "халхавч" мэт санагдах байгуулалтад стратегийн болоод тактикийн олон санаа нуугдаж байдаг. c7-c6 нүүдлийн үндсэн санаа нь цагаан хөлийн тэмээгээ хязгаарлахгүйгээр төвийг бэхжүүлэх. Үүний зэрэгцээ c7-c6 нүүдэл d5xc4 гээд цааш b7-b5 гэж бэрсний жигүүр дэх хүүний дайралтын урьдчилсан нөхцлийг үүсгэнэ. Зарим тохиолдолд хар c4 хадгалахаар тоглож болно. Эдгээр санаанууд славян хамгаалалтад харын стратегийг голлон тодорхойлдог.
Хамгаалалтын үүсэл хөгжилд польш, орос, чех, югославийн онолчид голлох хувь нэмрийг оруулснаар сляван нэрийг авсан хэрэг. Смыслов, Ботвинник нарын их мастеруудын гараанд сляван хамгаалалтыг хэрэглэдэг байсан.

Энэ удаа шатрын стратегт чухал байр суурийг эзлэх 7 ба 8-р шугамын тухай үргэлжлүүлэн авч үзнэ.

Гурав. 7-р хэвтээ шугам дахь таван тусгай тохиолдол.
7-р шугамыг бүрэн эзэмших ба нүүргүй хүү. 7-р шугамыг бүрэн эзэмших гэдэгт энэ шугамыг эзлэн авснаар өрсөлдөгчийн ноёнг таслахыг ойлгоно. Жишээ нь цагаан тэрэг a7, хар ноён f8, хар хүү f6 дээрх байрлал. Хэрвээ хар хүү f6 дээр биш f7 дээр байсан бол тэрэгний үйлчлэл бүрэн хэмжээний байж чадахгүй.